सडकमा आश्रित बालबालिकाको उद्धार: मानव कल्याण समाज सिन्धुलीको ऐतिहासिक मानवीय पहल
सिन्धुली, असार ९ । समाजसेवामा समर्पित मानव कल्याण समाज सिन्धुलीले पहिलोपटक सडकमा आश्रित दुई जना बालबालिकालाई उद्धार गरी सुरक्षित जीवन, शिक्षा र पालनपोषणको सुनिश्चितता प्रदान गरेको छ । सामाजिक उत्तरदायित्व अन्तर्गत गरिएको यस कार्यले संस्थाको मानवीय सेवाप्रतिको प्रतिबद्धता प्रस्ट पारेको छ । सिन्धुली बसपार्क क्षेत्रमा सुतिरहेको अवस्थामा भेटिएका ती दुई बालबालिकालाई आज जिल्ला प्रहरी कार्यालय सिन्धुलीको सक्रिय सहयोग र समाजका कार्यसमिति सदस्य गणेश बस्नेतको अगुवाइमा उद्धार गरी श्री ऋतम्भरा ज्ञान स्वरूप विद्यालयमा औपचारिक रूपमा हस्तान्तरण गरिएको हो । विद्यालयका प्रधानाध्यापक विनोद थापाको सहकार्यमा ती बालबालिकालाई निःशुल्क आवास, भोजन तथा औपचारिक शिक्षासहित संरक्षणको व्यवस्था गरिएको छ । अब ती बालबालिकाले सडकको…